حوزہ نیوز ایجنسی کی رپورٹ کے مطابق، گورنرِ قم، اکبر بہنام جو نے رہبرِ شہید (رہ) کے پیکرِ مطہر کی تشییع کے لیے قم شہر میں وضع کردہ پروگرامز کی وضاحت کرتے ہوئے کہا: منگل 16 تیر، 7 جولائی 2026ء کو قم المقدسہ میں رہبرِ شہید (رہ) کی نماز جنازہ کے مراسم صبح سویرے اور نمازِ صبح کے بعد شروع ہو جائیں گے اور ان مراسم کا پہلا حصہ نماز جنازہ کی ادائیگی کے لیے مختص ہوگا۔
انہوں نے مزید کہا: نمازگزاروں کی ابتدائی اجتماع گاہ مسجدِ مقدسِ جمکران اور اس کے ارد گرد کے علاقے بشمول پارکنگ ایریاز مقرر کی گئی ہے۔
گورنرِ قم نے کہا: نماز کی صفیں بلوارِ پیامبرِ اعظم (ص) کی حدود سے قبلہ کی طرف بنائی جائیں گی اور ہجوم کو منظم کر کے نماز کی ادائیگی کے لیے ضروری جگہ فراہم کی جائے گی۔
انہوں نے کہا: نماز جنازہ کے رسمی آغاز کا وقت لوگوں کے ہجوم کی ترتیب کے عمل کے مطابق طے کیا جائے گا اور جب یقین ہو جائے گا کہ شرکاء کی بڑی تعداد مقررہ مقامات پر پہنچ چکی ہے اور لوگوں کی آمد آخری مراحل میں ہے تو نماز باضابطہ طور پر شروع کر دی جائے گی۔
بہنام جو نے کہا: نماز جنازہ کی ادائیگی کے بعد رہبرِ شہید (رہ) کا جسدِ اطہر طے شدہ راستوں سے بلوارِ پیامبرِ اعظم (ص) کی طرف روانہ کیا جائے گا تاکہ لوگ اس پورے راستے میں الوداع اور تشییع میں شرکت کر سکیں۔
گورنرِ قم نے ان مراسم کو بہتر طریقے سے انجام دینے میں عوام کے تعاون کی ضرورت پر زور دیتے ہوئے کہا: طے شدہ منصوبہ بندی پر عمل درآمد کے لیے عوامی تعاون اور ہم آہنگی کی ضرورت ہے تاکہ پیکرِ مطہر کو لے جانے والی گاڑی کا گزرنا بغیر کسی رکاوٹ اور آسانی کے ساتھ برقرار رہ سکے۔
انہوں نے مزید کہا: عوام کے تعاون اور پورے راستے میں نظم برقرار رکھنے سے، ان مراسم کو شاندار طریقے سے منعقد کرنا اور بلوارِ پیامبرِ اعظم (ص) پر عوام کی وسیع پیمانے پر شرکت ممکن ہو سکے گی جس سے رہبرِ شہید کے وداع کا ایک یادگار اور دیرپا منظر تخلیق کیا جائے گا۔
آپ کا تبصرہ